|
GUERRA E PACE
|
‘Ntiempo ‘e pace, ‘e marenare:
figlie ‘nterra e varche a mmare.
‘Ntiempo ‘e guerra, juorne amare:
varche ‘nterra e figlie a mmare.
Guerra e pace, pace e guerra:
se distrugge e cresce a terra.
‘O STRUSCIO
Giovedì santo ‘o struscio è nu via vaie:
Tuledo è chiena ‘e gente ‘ntulettata,
ca a pede s’ha da fa sta cammenata,
pe mantenè ‘n’usanza antica assaie.
-Mammà, ci andiamo?-Jammo. Ma che faie?
-Vediamo due sepolcri e ‘a passeggiata.
E ‘a signorina afflitta e ‘ncepriata
Cerca ‘o marito ca nun trova maie.
‘A mamma areto, stanca, pecchè ha visto
Ca st’atu struscio pure se n’è ghiuto,
senza truvà chill’atu Ggiesucristo,
s’accosta ‘a figlia:-Titinè, a mammà,
ccà cunzumammo scarpe.-L’ho veduto.
E me l’hai detto pure un anno fa.
‘O struscio, passeggio, deriva dall’usanza napoletana
del giovedì santo di andare in giro a visitare i
sepolcri di sette chiese.
|
|
