|
L’AMMORE NUN TENE ETA’ |
Nun saccio si fa overo, oppure apposta
Nce sta ‘na vecchia quatto vote nonna
Cu mmiezo pietto a fora e ‘a minigonna
Quanno me vede, tutta ca se ‘ntosta.
Quant’a ll’età, io manco ce scarzeo,
si pure stongo sotto ‘e uttant’anne
e ‘ncuollo nun me mancano ‘e malanne,
io quanno ‘a ‘ncontro pure m’’a paccheo.
C’’o rrusso ‘nfaccia, comme nu criaturo
L’aggio ‘nvitata ajere int’a seicento,
cu quacche acciacco c’’e sagliuta a stiento
e ce simmop appartate dint’o scuro.
Mo’, mentre ‘a sussurravo:”Vita mia!”
‘na sciatica, int’o meglio m’ha bloccato;
simmo rimaste uno a cuollo a ‘n’ato:
ce ha liberate a ll’arba ‘a polizia! |
|
